Շտապենք ուրախացնելու մեր հաճախորդներին: Շուտով կգործարկվի icomputer.am համակարգիչների և համալրող սարքերի օնլայն խանութը: Այստեղից բոլոր ցանկացողները մատչելի գներով կարող են ձեռք բերել համակարգչային տեխնիկա, որը կառաքվի ձեր նշված հասցեով: Առաքումը երևան քաղաքում լինելու է անվճար:
Համակարգիչների և պարագաների առցանց վաճառքի խանութում Դուք նաև կգտնեք այնպիսի սարքեր և հարմարանքներ, որոնք վստահ ենք չեք գտնի և ոչ մի տեղ:
Դե ուրեմն սպասեք www.icomputer.am – ի գործարկմանը:
Սահակ Սերվիս ընկերությունը շնորհավորում է բոլոր կանանց, աղջիկներին ”Կանանց միջազգային օրվա” առթիվ, մաղթում խաղաղություն, առողջություն, երջանկություն ու մեծագույն հաջողություններ: Եղեք միշտ ուրախ, հմայիչ ու գեղեցիկ, շրջապատված անսպառ ուշադրությամբ ու հոգատարությամբ, և թող Աստված հովանի լինի ձեզ և ձեր ընտանիքներին:
Մարտի 8-ը ընդունված է համարել կանանց քաղաքացիական և սոցիալական իրավունքների համար պայքարի օր։
Լայն տարածում է գտել այն տարբերակը, որի համաձայն մարտի 8-ը որոշվել է նշել որպես Կանանց միջազգային տոն, քանի որ 1857թ. այդ օրը Նյու Յորքի տեքստիլ արդյունաբերության ֆաբրիկաների և հագուստի արտադրամասերի աշխատակցուհիները, ի նշան աշխատանքային անընդունելի պայմանների և ցածր աշխատավարձի դեմ բողոքի, անցկացրեցին «դատարկ կաթսաների երթ»։ Նրանք պահանջում էին աշխատանքային օրվա կրճատում, աշխատանքային պայմանների բարելավում, տղամարդկանց հավասար աշխատավարձ։ Այն ժամանակ կանայք օրվա ընթացքում աշխատում էին 16 ժամ և ստանում շատ ցածր աշխատավարձ։
1908թ. մարտի 8-ին Նյու Յորքի կանանց սոցիալ-դեմոկրատական կազմակերպության կոչով տեղի ունեցավ հանրահավաք կանանց իրավահավասարության կարգախոսներով։ Այդ օրը ավելի քան 15 հազար կանայք քայլեցին քաղաքի փողոցներով։ Նրանք պահանջում էին իրավահավասարություն և ընտրելու իրավունք։
1909թ. Ամերիկայի սոցիալիստական կուսակցությունը հայտատարեց կանանց ազգային օր, որը մինչև 1913թ. նշվում էր փետրվարի վերջին կիրակի օրը։ 1910թ. ԱՄՆ պատվիրակները մասնակցեցին Կոպենհագենում Սոցիալիստ կանանց երկրորդ միջազգային կոնֆերանսին, որտեղ հանդիպեցին Կլարա Ցետկինին, որն էլ այդ ժամանակ առաջարկեց հաստատել կանանց միջազգային օրը։ Նկատի էր առնվում, որ կանայք այդ օրը պետք է կազմակերպեն հանրահավաքներ և երթեր՝ հասարակության ուշադրությունը հրավիրելով իրենց խնդիրներին։ Որպես ամսաթիվ առաջարկվեց մարտի 8-ը՝ ի պատիվ «դատարկ կաթսաների երթի»։
Սկզբնական շրջանում այդ տոնը հստակ ամսաթիվ չուներ և տարբեր երկրներում տարբեր օրերի էր նշվում։ Ավելի ուշ այն հաստատվեց մարտի 8-ին, և այժմ նշվում է աշխարհի 4 տասնյակ երկրներում։
Հայաստանում այս տոնը նշվել է ինչպես խորհրդային, այնպես էլ անկախության առաջին տարիներին։ 1996 թվականից այն չեղյալ համարվեց, և փոխարենը ընդունվեց ապրիլի 7-ը՝ որպես Մայրության և գեղեցկության տոն։ Ավելի ուշ՝ 2001թ., Մարտի 8-ը վերականգնվեց տոնացույցում։ Այժմ Հայաստանում նշվում է և Մարտի 8-ը և Ապրիլի 7-ը, իսկ այս տոների միջև ընկած ժամանակահատվածը ընդունված է անվանել կանանց միամսյակ։
| Այս նոր սմարթֆոնը շրջադարձ կմցնի բջջային հեռախոսների ամբողջ պատմության մեջ:Այն կլինի ավելի շատ տեխնիկական անհրաժեշտություն, քան ուղղակի հեռախոս:Ինչպես խոստացել է Apple-ը, այս սմարթֆոնը կգրանցվի գինեսի ռեկորդների գրքում, որպես ամենալավ մինի սարքավորումն աշխարհում: Այս վիդեոն ցուցադրում է վարկածներ, թե մոտավորապես ինչպիսին է լինելու iphone 5-ը: http://www.youtube.com/watch?v=lzsBwnv_dAg&feature=player_embedded
|
Google ընկերությունը մտադիր է թողարկել սեփական արտադրության պլանշետներ. հաղորդում է CNET News-ը: Նոր արտադրանքը վաճառքի կհանվի 2012-ի ապրիլին` սկզբնական շրջանում 1,5-2 միլիոն օրինակով: Թե ո՞ր ընկերությունը կզբաղվի Google-ի պլանշետի արտադրությամբ, դեռևս հայտնի չէ:
Ժամանակակից մարտկոցները չունեն բավարար հզորություն, թանկ են և պայթյունավտանգ: Ներկայումս գիտնականները աշխատում են նոր սերնդի մարտկոցների մշակման վրա, որոնք կփոխեն մեր կյանքը: Ապագայի մարտկոցները լիցքավորվելու են հաշված րոպեների ընթացքում և ունենալու են 20 անգամ ավելի մեծ հզորություն քան ներկայումս գոյություն ունեցողները:
Կարծես թե բոլորովին վերջերս մարտկոցների աշխարհում, որևէ խնդիր չէր նկատվում: Բջջային հեռախոսները լիցքավորվում են շաբաթը մեկ անգամ, MP3 նվագարկիչները աշխատեցնելու համար բավական էր ձեռք բերել սովորական էլեմենտներ, իսկ էլէկտրոմոբիլներ առհասարակ գոյություն չունեին: Սակայն նոր սարքերի հայտնվելուն պես դրությունը փոխվեց: Այսօր հզոր սմարթֆոն ունեցողը ամեն օր այն լիցքավորելու կարիք ունի, դյուրակիր համակարգիչների ավտոնոմ աշխատանքը խիստ սահամանափակ է մի քանի ժամերի մեջ, իսկ էլէկտրոմոբիլները` սովորական բենզինային շարժիչ ունեցող ավտոմեքենաներին զուգահեռ օգտագործելու երազանքը կարծես անիրական է:
Մոբիլ սարքերի զարգացումը և արտադրությունը այնքան սրընթաց է որ մարտկոցների զարգացումը և տեխնոլոգիան շատ են հետ մնում:
Ներկայումս աշխարհի բազմաթիվ գիտահետազոտական ինստիտուտներ աշխատում են լիթիում իոնային մարտկոցների կատարելագործման ուղղությամբ: Այս տիպի մարտկոցի աշխատանքը շատ պարզ է` լիթիումի իոնները էլէկտրոլիտի միջավայրում հետ ու առաջ են շարժվում (լիցքաթափման ժամանակ` անոդից կատոդին) և տալիս են ելեկտրոններ: Այդ գործողության արդյունքում ստանում ենք էլէկտրական հոսանք: Խնդիրը նրանում է որ լիթիումի մեկ ատոմը կարող է տալ մեկ էլէկտրոն: Նոր մարտկոցների ստեղծման ընթացքում գիտնականների նպատակն է բարձրացնել մարտկոցների ունակությունը և արագացնել լիցքավորման պրոցեսը:
Իլինոյսի համալսարանի հետազոտողները մշակել են սիլիցիումային անոդ որի աշխատանքը 10 անգամ ավելի էֆեկտիվ է քան սովորական մարտկոցինը: Այդ նույն համալսարանում մշակել էին մարտկոցի մի նմուշ որը թեև չուներ մեծ հզորություն, բայց լիցքավորվում էր 10 վայրկյանի ընթացքում և սմարթֆոնը կարող էր մի ամբողջ օր աշխատեր առանց լիցքավորման:
Մարտկոցին կարճ ժամանակահատվածում էլեկտրականություն փոխանցելու համար անհրաժեշտ է արագ թափանցող նյութ: Գիտնականները աշխատում են եռաչափ կառուցվածքով կատոդի վրա: Դրա համար պոլիստիրոլի կլոր մասնիկները ենթարկվում են սեղմման, որից հետո այն նիկելի հետ միասին տաքացվում են բարձր ջերմաստիճանի, արդյունքում պոլիստիրոլը գոլորշիանում է և մնում է նիկելի ծակոտկեն կտորը, որը մշակելուց հետո պատվում է էլեկտրոլիտով:
Գիտնականների մեկ այլ խումբ Գերմանիայից նույնպես աշխատում է լիթիում իոնային մարտկոցների օպտիմալացման ուղղությամբ: Նրանք ստեղծել են մարտկոց, որն իր ցուցանիշներով կրկնակի բարձր է սովորական մարտկոցի ցուցանիշներից, սակայն խնդիր է դրված հասնել հզորության 5 անգամյա ավելացմանը: Այս մարտկոցների արտադրության մեջ օգտագործվում է ֆտորիդ մետաղից անոդը, այդ մետաղի առավելությունը կայանում է նրանում, որ տեսականորեն կուտակվող էներգիայի խտությունը կարելի է բարձրացնել 20 անգամ:
Եթե դուք ունեք համակարգչի հետ կապված որոշակի հարցեր կամ խնդիրներ, ապա մեր մասնագետը բոլորովին անվճար կպատասխանի ձեր բոլոր հարցերին և կվերացնի ձեր համակարգչի թերությունները:
Ձեզ պարզապես անհրաժեշտ է ներբեռնել «TeamViewer» ծրագիրը այստեղից և աշխատեցնել այն:
Կբացվի այս պատուհանը 
և Դուք մեր մասնագետին կհաղորդեք «Your ID» տողում գրված թվերը, այնուհետև «Password» տողում գրվածը:
Մեր մասնագետը հնարավորություն կունենա մուտք գործել Ձեր համակարգիչ և վերացնել թերությունները:
Ավելացնեմ միայն, որ ծրագիրը գործում է միայն ինտերնետի առկայության դեպքում:
Սահակ Սերվիս ընկերությունը շնորհավորում է բոլորին Ամանորի և Սուրբ Ծննդի կապակցությամբ, մաղթելով նոր տարուն` անկորուստ տարի, երջանկություն, ներդաշնակություն սրտերում ու հոգում, երազանքների իրականացում, նորանոր հաջողություններ և մեծ նվաճումներ: Թող մեր երկիրը միշտ խաղաղ լինի, երկինքն էլ` ջինջ……
Սահակ-Սերվիս ընկերությունը ցավով տեղեկացնում է, որ ինտերնետից օգտվող հայաստանցները հայտնվել են առաջին հնգյակում, որպես ամենաանհասկացող օգտվողներ:
«Կասպերսկու լաբորատորիայի» մասնագետները կազմել են այն երկրների ցանկը, որտեղ ապրում են ամենաանհասկացող համացանցից օգտվողները: Վարկանիշային աղյուսակը կազմելիս հաշվի է առնվել այն փաստը, թե այդ երկրներում տարեկան քանի մարդ է վարակված կայքերի զոհը դառնում: Առաջին հնգյակում տեղ է զբաղեցրել նաև Հայաստանը: Հայաստանցիների բախտակիցներն են Ռուսաստանի, Բելառուսի, Օմանի, ԱՄՆ-ի քաղաքացիները: Հատկանշականն այն է, որ բոլոր նմանատիպ դեպքերի 33 տոկոսը բաժին է ընկնում պոռնո-կայքերին:
Սահակ-Սերվիսը տեղեկացավ, որ Հայաստանի Հանրապետության Ազգային Ժողովի նախագահ Սամվել Նիկոյանը իր պաշտոնական էջն է բացել Facebook սոցիալական կայքում:
Այս պահին նրա էջի բաժանորդների թիվն արդեն գերազանցել է 80-ը:
Նիկոյանը ՀՀ ԱԺ խոսնակ է ընտրվել դեկտեմբերի 7-ին: Մինչ այդ նա զբաղեցնում էր ՀՀ ԱԺ փոխնախագահի պաշտոնը:
ՀՀ ԱԺ նախագահի պաշտոնը թափուր էր մնացել այն բանից հետո, երբ նոյեմբերի 14-ին Հովիկ Աբրահամյանը հրաժարականի պաշտոնական դիմում էր ներկայացրել: Նա այժմ ղեկավարում է Հայաստանի Հանրապետական կուսակցության նախընտրական շտաբը:
Սահակ-Սերվիսը հիշեցնում է, որ բոլոր նրանք, ովքոր կցանկանան հետևել Սամվել Նիկոյանի Ֆեյսբուքյան էջին կարող են գրանցվել այստեղ
Սահակ-Սերվիս ընկերությունը տեղեկացվեց, որ «ԱրմենՏել» հայկական հեռահաղորդակցական ընկերությունը 2012 թ.-ի հունվարի 12-ից ֆիզիկական և իրավաբանական անձ հանդիսացող իր բաժանորդներին կառաջարկի ամրակցված հեռախոսակապի այլընտրանքային սակագնային փաթեթներ:
Այլընտրանքային սակագնային պլանները հաստատվել են չորեքշաբթի Հանրային ծառայությունները կարգավորող հանձնաժողովի նիստի ժամանակ:
Ինչպես տեղեկացրեց ՀԾԿՀ սակագնային քաղաքականության վարչության պետ Գարեգին Բաղրամյանը, ֆիզիկական անձ հանդիսացող բաժանորդների համար ներկայացված է երկու, իրավաբանական անձանց համար՝ մեկ այլընտրանքային սակագնայի փաթեթ:
Փաթեթները ներառում են ամսական բաժանորդավճար, տեղական և միջքաղաքային զանգերի, ինչպես նաև բջջային ցանցում զանգեր կատարելու ծառայություններ:
Բաղրամյանի խոսքերով՝ առաջարկվում է կրճատել միջքաղաքային և բջջային զանգերի սակագները, որոնք կփոխհատուցվեն անվճար րոպեների կրճատմամբ կամ բաժանորդավճարի բարձրացմամբ: Տեղական զանգերի մասով նախատեսված է ինչպես նվազում, այնպես էլ բարձրացում:
«Առաջարկվող այլընտրանքային փաթեթներն ընդլայնում են գործող սակագնային փաթեթների տեսականին և կարող են կիրառվել միայն բաժանորդի ցանկությամբ՝ գրավոր դիմումի հիման վրա», – ասաց Բաղրամյանը:
Նա նշեց, որ այլընտրանքային փաթեթները հիմնականում նախատեսված են ավելի շատ միջքաղաքային և բջջային զանգեր կատարող բաժանորդների համար:
«Մեր գնահատականների համաձայն՝ այս փաթեթը կնախընտրեն միջքաղաքային կապից օգտվող շրջանների բնակիչները», – ասաց վարչության պետը:
ՀԾԿՀ նախագահ Ռոբերտ Նազարյանն իր հերթին նշեց, որ նոր այլընտրանքային սակագնային պլանների ներդրումը նոր հնարավորություններ է ստեղծում մարզի բնակիչների համար:
«Միևնույն մարզի երկու հարևան համայնքների բնակիչները խոսում են միմյանց հետ 20 դրամ/րոպե սակագնով, իսկ այժմ այդ գումարը կնվազի՝ դառնալով 7 դրամ: Այս սակագինն ավելի ձեռնտու է նաև մարզերի այն բնակիչների համար, ովքեր հեռախոսով կապվում են Երևանում սովորող իրենց ուսանող երեխաների հետ», – ասաց Նազարյանը:
Նրա խոսքերով՝ ամեն դեպքում այլընտրանքային տարբերակների առաջարկը միշտ դրական երևույթ է, և բաժանորդն ինքն է ընտրում իր սակագինը:
«ԱրմենՏել» ընկերության գլխավոր տնօրեն Իգոր Կլիմկոյի խոսքերով՝ ամրակցված կապի շուկա նոր օպերատորների մուտք գործելու հետ կապված գոյություն ունեցող իրողությունները փոխեցին մրցակցային իրավիճակը: «Այդ պատճառով «ԱրմենՏելի» կողմից տրամադրվող ծառայությունները պետք է համապատասխանեն շուկայական որոշակի իրողություններին», – ասաց Կլիմկոն:
Նա նշեց, որ այս ամենի կապակցությամբ ընկերությունը որոշակի ջանքեր է գործադրել, և ՀԾԿՀ-ի հետ իրականացրած բավականին երկարատև աշխատանքի արդյունքում «ԱրմենՏելը» հանդես է եկել նոր սակագների ներդրման, այլ ոչ թե դրանց փոփոխության մասին առաջարկով:
«Այս սակագներն, իսկապես, կհամապատասխանեն բնակչության պահանջներին և առաջին հերթին կուղղվեն ամրակցված կապի ծառայություններից օգտվելու ավելացմանը հիմնականում Հայաստանի տարբեր մարզերում», – ասաց Կլիմկոն:
Նա նշեց, որ հաջոդ տարվա առաջին կիսամյակի ընթացքում ընկերությունը կկարողանա տեսնել, թե ինչպես է փոխվում բաժանորդների կողմից ամրակցված կապի օգտագործումը, ինչը թույլ կտա որոշակի եզրահանգումների գալ: «Հնարավոր է՝ որոշակի ուղղումներ պահանջվեն հաջորդ տարվա առաջին կիսամյակի վերլուծության արդյունքում», – նշեց «ԱրմենՏելի» գլխավոր տնօրենը:
Ֆիզիկական անձանց համար նախատեսված առաջին այլընտրանքային սակագնային պլանը նախատեսում է 1100 դրամի ամենամսյա վճար՝ ներցանցային զանգերի (այդ թվում նաև ինտերնետին միանալու համար կատարվող զանգերը) 260 անվճար րոպեներով: Միջազգային զանգերը կարժենան 10 դրամ/րոպե (ներկայիս 20-ի փոխարեն), իսկ բջջային օպերատորների ցանցերին կատարված զանգերը՝ 36 դրամ (ցերեկային 70 դրամ և գիշերային 49 դրամի սակագնի փոխարեն):
Այլընտրանքային երկրորդ սակագնի դեպքում ամսավճարը կազմում է 4 հազար դրամ՝ ներքին և միջքաղաքային ներցանցային զանգերի (այդ թվում նաև ինտերնետին միանալու համար կատարվող զանգերը) 600 անվճար րոպեներով: Միջքաղաքային զանգը կարժենա 7 դրամ, իսկ բջջային զանգերը՝ 36 դրամ:
Իրավաբանական անձանց համար նախատեսված այլընտրանքային պլանը նախատեսում է 4800 դրամի ամսավճար՝ տեղական ներցանցային զանգերի (այդ թվում նաև ինտերնետին միանալու համար կատարվող զանգերը) 360 րոպեներով: Միջքաղաքային զանգերը կարժենան 15 դրամ, իսկ բջջային զանգերը՝ 36 դրամ: (1 դոլարը 376,19 դրամ է):
